As colonias felinas deben seguir seguir sendo financiadas polo Concello da Coruña

As colonias felinas foron postas en marcha na pasada lexislatura polo goberno municipal da Coruña, do que formaba parte Verdes Equo.

O modelo aplicado, CER (Captura-Esterilización-Retorno), está amplamente experimentado en Europa. Con el evítanse prácticas crueis como a captura e o sacrificio. Esta xestión contribúe ao control de número de animais en espazos públicos e á redución de problemas aos veciños.

O anuncio por parte do goberno municipal de Inés Rey, do fin do financiamento dos tratamentos e coidados destas colonias, deixando o seu mantemento ao amparo dunha suposta subvención da que non hai orzamento, supón un retroceso absoluto.

Verdes EQUO A Coruña reclama a marcha atrás nesta decisión e anima a asinar a petición para que as colonias felinas sigan funcionando como ata o de agora.

Colonia felina na Torre

Deixa unha resposta