Inicio de rolda de contactos para as eleccións europeas

EQUO GALICIA inicia unha rolda de contactos con diferentes forzas políticas sobre posibles alianzas para as europeas

O pasado luns 7 de outubro comezaron as conversas con distintas forzas políticas no ámbito galego. Estes contactos iniciáronse entre representantes de EQUO, EQUO Galicia e ANOVA.

EQUO valora o ofrecemento por parte de ANOVA de converxer nunha fronte ampla de forzas nacionalistas e de esquerda rupturista.

EQUO defende a representación da ecoloxía política no Parlamento europeo, sendo a súa prioridade chegar a ser unha forza relevante entre os Verdes Europeos.

Nos próximos días haberá novas conversacións con Esquerda Unida para seguir coa liña de diálogo entre partidos políticos establecida ata o momento.

Estas reunións enmárcanse na rolda de contactos que EQUO está tendo coas diversas forzas políticas en todos os ámbitos autonómicos para tratar as posibles alianzas de cara ás eleccións europeas.

Deixa unha resposta