EQUO Galicia e ESPAZO abren un proceso de confluencia política para o reagrupamento da esquerda verde e renovadora

As forzas do ecoloxismo político apostan polo proceso de radicalidade democrática que representan as Mareas en Común

A Mesa Nacional de EQUO Galicia e o Consello Dinamizador de ESPAZO [Ecosocialista] iniciaron conversas para avanzar na construción dun referente galego do ecoloxismo político, ecofeminista e ecopacifista, como parte do reagrupamento da esquerda galega renovadora do século XXI desde o soberanismo cívico, a sustentabilidade ambiental, a xustiza social global, a cultura da paz, os dereitos civís e a radicalidade democrática.

O proceso de confluencia, que será debatido nas próximas semanas polas persoas de ambas organizacións e aprobado polas asembleas de ESPAZO e EQUO Galicia, culminaría nunha asemblea de confluencia o próximo sábado 21 de maio.

As direccións de EQUO Galicia e ESPAZO están a traballar no relatorio político e no modelo organizativo que enmarquen esta confluencia da esquerda verde galega nunha Cooperativa Potica Galega.

ESPAZO e EQUO Galicia apostaron desde os seus primeiros pasos por fortalecer procesos de confluencia poticos transversais que superaran as divisións preexistentes sustentados en posicionamentos ideoxicos pechados, dando resposta ás demandas e intereses da maioría social.

Cabe destacar, nese senso, que EQUO Galicia e ESPAZO foron dous dos partidos que conformaron AGE para as eleccións autonómicas do 2012, primeira ‘experiencia de confluencia, hoxe superada polos seus limites no formato. Igualmente participaron no proceso que deu lugar a En Marea para as pasadas eleccións xerais aínda que non compartiron o seu formato sen participación cidadá.

Para ESPAZO e EQUO Galicia correspóndelle ás Mareas Municipalistas, agrupadas en MAREAS EN COMÚN, ser o elemento vertebrador do proceso da MAREA de carácter nitidamente cidadá que poida sumar ás forzas partidarias que deberan diluír a a praxe para que non haxa ningunha dubida sobre o seu escrupuloso respecto ás decisn do colectivo común.

EQUO Galicia e ESPAZO amosan o seu apoio á iniciativa Marea Viva, proposta por MAREAS EN COMÚN, como único espazo de construción de unidade popular sustentada no principio de democracia radical de unha persoa, un voto en pé de igualdade, sen controles de cúpulas ou intereses de parte e ao que se poden incorporar colectivos políticos e sociais.

Deixa unha resposta